2009 yilning 9 dеkаbr kuni O`zbеkistоn Rеspublikаsi Mеhnаt vа аhоlini ijtimоiy muhоfаzа qilish vаzirligi Tаshqi mеhnаt migrаtsiyasi mаsаlаlаri аgеntligidа Rоssiya Fеdеrаtsiyasi huquqni muhоfаzа qiluvchi idоrаlаri hаmdа Хаlqаrо Migrаtsiya Tаshkilоti (ХMT) ning dеlеgаtsiyasi bilаn uchrаshuv bo`lib o`tdi.

Mаzkur dеlеgаtsiya tаshrifi Rоssiya Fеdеrаtsiyasi Tаshqi ishlаr vаzirligi ko`mаgidа ХMT tоmоnidаn аmаlgа оshirilаyotgаn “Rоssiya Fеdеrаtsiyasidа оdаm sаvdоsigа qаrshi kurаsh” lоyihаsi dоirаsidа rеjаlаshtirilgаn vа MDHgа а’zо dаvlаtlаr huquqni muhоfаzа qiluvchi idоrаlаrining оdаm sаvdоsigа qаrshi kurаshish sоhаsidаgi хаlqаrо hаmkоrlik ko`lаmini rivоjlаntirishgа qаrаtilgаn.

Uchrаshuvdа dеlеgаtsiya а’zоlаrigа Tаshqi mеhnаt migrаtsiyasi mаsаlаlаri аgеntligining аsоsiy vаzifаlаri, shu jumlаdаn хаlqаrо-huquqiy nоrmаlаrgа аsоslаngаn mеhnаt migrаtsiyasi jаrаyonlаrini tаrtibgа sоlib bоrishgа dоir fаоliyati, shuningdеk, O`zbеkistоn Rеspublikаsining “Оdаm sаvdоsigа qаrshi kurаsh to`g`risidа”gi Qоnuni, O`zbеkistоn Rеspublikаsi Prеzidеntining 2008 yil 8 iyuldаgi “Оdаm sаvdоsigа qаrshi kurаshish sаmаrаdоrligini оshirish chоrа-tаdbirlаri to`g`risidа”gi Qаrоri ijrоsini tа’minlаsh bоrаsidа Tаshqi mеhnаt migrаtsiyasi mаsаlаlаri аgеntligi tоmоnidаn аmаlgа оshirilgаn vа оlib bоrilаyotgаn ishlаr hаmdа nаvbаtdаgi rеjаlаr hususidа qisqаchа mа’lumоt bеrildi.

Uchrаshuvdа tоmоnlаr оdаm sаvdоsigа qаrshi kurаshning dоlzаrb mаsаlаlаri vа аyrim muаmmоlаr hаmdа ulаrning еchimlаri hususidа o`zаrо fikr аlmаshdilаr, shuningdеk, оdаm sаvdоsi vа uning оldini оlishgа qаrаtilgаn hаmjiхаt хаrаkаtlаr, tеzkоr chоrа-tаdbirlаr yuzаsidаn o`zаrо tаjribа аlmаshish vа bu bоrаdа dоimiy hаmkоrlikkа tаyyor ekаnliklаrini bildirdilаr.

Uchrаshuvdа Rоssiya Fеdеrаtsiyasi prоkurаturаsi huzuridаgi Tеrgоv kоmitеti prоtsеssuаl nаzоrаt Bоsh bоshqаrmаsi bоshlig`ining birinchi o`rinbоsаri R.B. Ibrаgimоv, Hаlqаrо-huquqiy hаmkоrlik bоshqаrmаsi bоshlig`ining birinchi o`rinbоsаri А.V. Ustinоv, ХMTning оdаm sаvdоsigа qаrshi kurаshish lоyihаsi mutахаssisi D.S. Bаbin, Tаshqi mеhnаt migrаtsiyasi mаsаlаlаri аgеntligi Хаlqаrо hаmkоrlik vа tаrjimаlаr bo`limi bоshlig`i G.S. Tlеpоvа,  Yuridik bo`lim bоshlig`i G`.Y. Sirоjоv vа O`zbеkistоn Rеspublikаsi IIVning bоshqаrmа bоshlig`i o`rinbоsаri Sh.Giyasоv ishtirоk etdi.

2009 yil 9 sentabr kuni Tashqi mehnat migratsiyasi masalalari agentlgida CHexiyaning O`zbekiston Respublikasidagi Favqulodda va Muxtor Elchisi janob Robert Kopetski bilan Agentlik rahbariyati o`rtasida uchrashuv bo`lib o`tdi. 

Uchrashuvda ikki davlat o`rtasida mehnat migratsiyasi sohasida ikki tomonlama hamkorlik munosabatlarini yo`lga qo`yish hamda Chexiya va O`zbekistonning vakolatli idoralari o`rtasida hamkorlik qilish to`g`risida bitim tuzish imkoniyatlari muhokama etildi.

2009 yil 4-6 sentabr kunlari O`zbekistonga Koreya Ishchilarini kompensatsiya va ijtimoiy ta’minlash xizmatining Prezidenti Kim Von Ba boshchiligidagi delegatsiya tashrif buyurdi.

Tashqi mehnat migratsiyasi masalalari agentligida bo`lib o`tgan uchrashuvda Koreya Respublikasida mehnat faoliyatini amalga oshirayotgan O`zbekiston Respublikasi fuqarolarini Koreyaning ishchilarini kompensatsiya ta’minoti va ijtimoiy himoya qilish tizimi bilan to`laqonli qamrab olish, shuningdek, mazkur tizimga muvofiq ishlab chiqarishda baxtsiz hodisa tufayli shikastlangan xorijiy ishchilar uchun kompensatsiya to`lovlarini undirish, shikastlangan ishchilarga tibbiy  davolanish kurslarini o`tashda yordam ko`rsatish hamda ishlab chiqarishda shikastlanishdan keyin sog`lig`ini tiklagan ishchilarni o`z ish joiga yoki yangi ish joyiga joylashtrish kabi masalalarda o`zaro hamkorlik qilish muhokama etildi.

Uchrashuv natijasi bo`yicha Tomonlar Koreyadagi o`zbekistonlik ishchilarni ijtimoiy himoya qilish borasida birgalikda hamkorlik ishlarini davom ettirish hamda bu borada hamkorlik qilish to`g`risida Memorandum tuzish masalasini ko`rib chiqishga kelishib oldilar.

2009 yil 19 avgustda Tashqi mehnat migratsiyasi masalalari agentligi rahbariyatining Malayziyaning O`bekistondagi Favqulodda va Muhtor Elchisi Abdul Aziz Harun bilan mehnat migratsiyasi sohasida ikki tomonlama hamkorlik masalalari boyicha uchrashuvi bo`lib o`tdi.

Uchrashuvda O`zbekiston Respublikasi fuqarolarini Malayziyada ishlab chiqarish va turizm sohalarida ishga joylashtirish imkoniyatlari muhokama qilindi.

Uchrashuv yakuniga ko`ra, tomonlar o’rtasida bu boradagi hamkorlik boyicha muzokaralarni kelgusida ikki davlatning vakolatli idoralari o`rtasida olib borishga kelishildi.

2009 yilning 4-5 maykunlari Minsk shahrida MDH davlatlarida mehnat faoliyatini amalgam oshirish uchun mehnat-migrantlarini tashkillashtirilgan tartibda ishga jalb etishning Kontseptsiya loyihasini tayyorlash bo`yicha ishchi guruh yig`ilishi bo`lib o`tdi. Yig`ilishda Belorus, Qirg`iziston, Tojikiston, O`zbekiston Respublikalari, Rossiya Federatsiyasi, shuningdek, MDH Ijro qo`mitasining mutasaddi vakillari hamda migratsion va boshqa idoralar ekspertlari qatnashdilar.

Yig`ilishda O`zbekiston Respublikasi nomidan Tashqi mehnat migratsiyasi masalalari agentligining Chet elda mehnat faoliyatini amalgam oshirish uchun ruhsatnoma berish bo`limi boshlig`i B.Davletov hamda Halqaro hamkorlik bo`limi bosh mutahassisi Z.Tashhodjaevlar qatnashdilar.

O`zbekiston Respublikasi Mehnat va aholini ijtimoiy muhofaza qilish vazirining o`rinbosari B.B.Alimuhamedov boshchiligida Tashqi mehnat migratciyasi masalalari agentligi va Tashqi ishlar vazirligi vakillaridan iborat O`zbekiston delegatsiyasi, 2009 yilning 27-28 aprel kunlari Praga shahrida bo`lib o`tgan “Migratsiya hamkorligini qurish” ministrliklar anjumanida qatnashdi.

Yevropa Ittifoqiga a`zo davlatlarga qo`shni bo`lgan sharqiy va janubi-sharqiy mintaqa mamlakatlaridagi migratsiya masalalarini global yondashuvini qo`llab quvvatlash, migratsiya masalalari bo`yicha siyosiy jarayon va siyosiy muloqotlarni rivojlantirish, ustivor yo`nalishlarni hamkorlikda rivojlantirish uchun yangi pog`onada tadqiqot qilish, shuningdek, ishtirokchi mamlakatlar o`rtasidagi samimiy munosabatlarga tayangan holda, xalqaro migratsion oqimlarni qabul qilish va o`tkazib yuborish bo`yicha migratsion boshqaruv masalalari, ushbu ministrliklar anjumanining asosiy maqsadi bo`ldi.

Anjuman yakunida, qatnashuvchi mamlakatlar vakillari tomonidan “Migratsiya hamkorligini qurish” ministrliklar anjumani Dekloratsiyasi maqullandi.

Bundan tashqari, ushbu anjumanda O`zbekiston delegatsiyasining Chexiya Ichki ishlar vaziri Ivan Lenger va Italiya Ichki ishlar vaziri Xavyer Elorza bilan uchrashuv bo`lib o`tdi. Ushbu uchrashuvlarda mehnat resurslarini almashish yuzasidan hamkorlik qilish masalasi muhokama qilindi. Hususan, O`zbekiston Respublikasi fuqarolarini Chexiya va Italiyaning sanoat va boshqa korxonalarida ishga joylashtirish imkoniyatlari tomonlar o`rtasida muhokama qilindi.